جدول أمتحانات نص السنة

المساهمات : 109 تاريخ التسجيل : 28/09/2008

زي مالناس عارفة ان الدكتور عبد الرحمن المسؤل عن الجداول أدانا صلاحية ان احنا نختار الجدول اللي يريحنا وهو حيبلغ بيه ادار الكلية .. وأعتقد ان من السلبية الكبيرة اوي ان يكون لينا الفرصة دي وميكنش لينا قرار لغاية دلوقتي

وعلشان يكون الموضوع عملي ..اللي كانو موجودين في اخر محاضرة للفايبرشن قبل العيد أقترحوا شوية حاجات حكتبهالكو ولازم كل واحد يقول رأييه ان كان هنا في المنتدي او ان كان فالكلية للناس اللي معندهاش نت علشان محدش ييجي يعترض بعد لما نسلم الجدول للدكتور

أولا :الحاجة اللي ماتنفعش تتغير في الموضوع دا هي معاد اول امتحان لينا هو يوم الاحد 4/1 وحيكون انشاء الله امتحان فايبرشين
ثانيا الامتحان اللي بعده حيكون محركات لان الميعاد اللي بعده هو يوم الحد يعني في اسبوع اجازة

وتقريبا كل الدفعة لغاية هنا متفقين .. وكمان متفقين علي مبدأ ان امتحان الديزاين يكون قبلية أمتحان التشريعات علي اساس ان الديزاين دلوقتي بقي تلت مواد في بعض (دكتور عبد الموجود والدكتورة نبيلة ولسة الدكتور عبد الرحمن وزمن الامتحان 4 ساعات).وعندنا التشريعات متظبطة - خصوصا بعد لما الدكتور نزل ملزمة اسئلة قال ان الامتحان مش حيخرج منها

دلوقتي نقدر نقول الاقتراحات وانتو فهمين الدنيا ماشية ازاي

أولا
الاحد : فايبرشن
الاحد: محركات
الاربعاء : تبريد وتكييف
الاحد: تشريعات
الاربعاء : ديزاين
الاحد: ايرو داينمكس
الاربعاء : ثيوري

وفي ناس ليها أقتراح مقنع بردو ان التبريد والتكييف مادة صعبة يستحسن يكون قبليها تلت ايام ومن هنا كان الاقتراح الثاني :
الاحد : فايبرشن
الاحد : محركات
الاربعاء : ايرو داينامكس
الاحد : تشريعات
الاربعاء : ديزاين
الاحد : تبريد وتكييف
الأربعاء : ثيوري

وطبعا علشان منظلمش الناس بتوع الاقتراح الثالث حنقولة بردو علشان الدنيا تكون واضحة
الاحد : فايبرشن
الاحد : محركات
الاربعاء : تشريعات
الاحد: ديزاين
الاربعاء: ايروداينامكس
الاحد : تبريد وتكييف
الاربعاء : ثيوري

وأخر حاجة في بني ادم قال ان الثيوري اصعب من التبريد والتكييف Mad

ومعرفش بالظبط عايز يعمل اية - ممكن يبقي يدخل يكتب اقتراحة بس حقولة اتقي ربنا وبص بصة علي عدد الشيتات بتاعت التبريـــــــــــــــــــد والتكييـــــــــــــف اللي اخدناها واللي لسة حناخدها قبل مالشيطان يوذك وتكتب اقتراح جديد عن دول

عايزين نسمع ارآكم علشان يوم الحد اللي بعد العيد ندي للدكتور ورقة بالجدول وموافقة الناس علية
شكرا

المساهمات : 150 تاريخ التسجيل : 28/09/2008 العمر : 36

طبعا شكرا يا رفعت عالمجهود ده
ويا ريت الدفعى كلها تخش تقول رايها
بس فيه حاجة صغيرة يارفعت انت نسيتها
ان فيه جدول تاني فيه 11 طالب من الدفعة وافقوا عليه
وانت بالاخص واحد منهم
الجدول كما يلي

الاحد : فيبراشين
الاحد : محركات
الاربعاء : ايروديناميكس
الاحد : تبريد وتكييف
الاربعاء : تشريعات
الاحد : تصميم
الاربعاء : ثيوري

وده الجدول اللي الطلبة وافقت عليه عايزين نعرف راي باقي الدفعة
انا شخصيا موافق عليه ولو ما كنش ده يبقا الجدول التالت اللي رفعت كاتبه فوق

يلا بقا عايزين نشوف راي الدفعة وياريت نتفق على قرار واحد بسرعة قبل اسبوع العيد ما يخلص

المساهمات : 109 تاريخ التسجيل : 28/09/2008

أشطي كدا عندنا اربع اقتراحات .. ربنا يستر silent

Admin المساهمات : 135 تاريخ التسجيل : 26/09/2008

انا معترض

المساهمات : 150 تاريخ التسجيل : 28/09/2008 العمر : 36

انتا مالكش رايي اصلا وهاتمشي عاللي هانقوله
قال حالة نفسية قال

المساهمات : 109 تاريخ التسجيل : 28/09/2008

اقتباس :: انا معترض

اقتباس :: انتا مالكش رايي اصلا وهاتمشي عاللي هانقوله
قال حالة نفسية قال

زي ماقالك تيحا كدا بالظبط .. بس عايز اسالك سؤالين معلش .. الاعتراض دا حالة نفسية عندك ولا انت شايف ان بقالنا تلت اربع ايام مفيش معيد حرق دمنا فانت جي تقرفنا ولا نظامك اية بالظبط .. والسؤال التاني اهم من الاولاني .. عايز اعرف هما مستحملينك فالبيت ازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المساهمات : 150 تاريخ التسجيل : 28/09/2008 العمر : 36

يا بن الايه يا رفعت والله يابني انت ابن نكنه
وهوبا ده شكله مش هايكمل معانا هو يقعد ساكت ومش لازم يوافق اصلا
والحالة النفسية دي يبقا يتعالج منها جنبنا في مستشفى المناخوليا
هوا عايز يمتحن لوحده شكله
طيب يا هوبا بس لما اشوفك

المساهمات : 20 تاريخ التسجيل : 11/11/2008

أنا شايف يا شباب إن الجدول التاني اللي حطه رفعت هو هو اللي حطه عبد الفتاح مش فارق حاجة يعتبر
فأنا عن نفسي موافق على الجدول التاني أو اللي حطه عبد الفتاح

Admin المساهمات : 135 تاريخ التسجيل : 26/09/2008

فى اه يا يواد يا رفعت انت والواد تيحا

شكلكو هتضربو انتو الاتنين

انتو قاكرين ان الكام يوم اللى قبل كل امتحان ده للمذاكرة تبقى غلطان منك له له

دول علشان تراجع فيهم بسرعة ولو فيه قانون كده ولا كده تلحق تحفظه وكمان تهىء نفسك وتهدى فيهم اعصابكم وتشوفو هتخشو على ورقة الاسئلة ازاى

وبخصوص البيت عندى هما اساس مش عاوزنى بس انت عرفت ازاى
وفى النهاية انا معترض جدول أمتحانات نص السنة Lol

المساهمات : 8 تاريخ التسجيل : 01/10/2008

أنا من رأيي نستبعد الأقتراح الأول علشان مينفعش يبقي قبل التبريد يومين بس
و عن نفسي أنا مع الأقتراح الثالث أو الرابع لأنهم بيحققو نظريه ان بين كل مادتين صعبين ماده سهله

المساهمات : 9 تاريخ التسجيل : 01/10/2008

السلام عليكم ورحمه الله وبركاته
اولا كل سنه وانتم طيبين
ثانيا بخصوص الكلام اللي انا قريته فا انا شخصيا موافق علي الاقتراح الثالث عشان نخلص من اول تلات مواد صعبين الاول خاصه ان بين كل واحده والتانيه ماده سهله فنخلص منهم الاول وهو علي الاقل نبقا فاكرينهم لسه كويس وميمرش عليهم وقت اطول من كده يخلينا ننساهم اما الاقتراح الرابع بتاع الاخ تيحا كرم الله وجهه فا احب اقله ان الثيوري مش سهله اوي زي ما انت متخيل عشان يبقي قبلها التصميم ومش بس كده دي هيبقي قبلها يومين بس كمان وتعليقا واتحادا مع بقيه الاخوه ومنهم الاخ رفعت احب اقل هوبا اسمع كلام الكبار وبلاش تمشي ورا دماغك اللي هتوديك في داهيه دي واخيراااااا كل سنه وانتوا طيبين جميعا وبالنجاح والتوفيق ان شاء الله

المساهمات : 18 تاريخ التسجيل : 30/09/2008

اقتباس :: السلام عليكم ورحمه الله وبركاته
اولا كل سنه وانتم طيبين
ثانيا بخصوص الكلام اللي انا قريته فا انا شخصيا موافق علي الاقتراح الثالث عشان نخلص من اول تلات مواد صعبين الاول خاصه ان بين كل واحده والتانيه ماده سهله فنخلص منهم الاول وهو علي الاقل نبقا فاكرينهم لسه كويس وميمرش عليهم وقت اطول من كده يخلينا ننساهم اما الاقتراح الرابع بتاع الاخ تيحا كرم الله وجهه فا احب اقله ان الثيوري مش سهله اوي زي ما انت متخيل عشان يبقي قبلها التصميم ومش بس كده دي هيبقي قبلها يومين بس كمان وتعليقا واتحادا مع بقيه الاخوه ومنهم الاخ رفعت احب اقل هوبا اسمع كلام الكبار وبلاش تمشي ورا دماغك اللي هتوديك في داهيه دي واخيراااااا كل سنه وانتوا طيبين جميعا وبالنجاح والتوفيق ان شاء الله

الرد ده هو ردي انا واعتذاري للزميل برنس فوكس بس انت اخر مره لما كنت فاتح الاكونت بتاعك عندي انا مخدتش بالي وبعت الرد اسف مره تانيه

» جدول الميدترم
» محتاجين جدول الميد تيرمات
» ياريت جدول الامتحانات النهائي
» أسئلة د.أدهم في الامتحان بتاع السنة اللي فاتت