سؤال مهم

بخصوص الجزء بتاع الfront axle لما ييجي سؤال بالشكل ده( calculate the max. bending stress in the beam when the truck moving on straight leve road مع العلم إنه معطينا أبعاد الbeam إيه الحل ياجماعة؟؟؟؟؟؟

اعتقد انك حتحسب الحسابات العادية وتجيب اكبر وأجهاد ويبقي هو دا المكسيم..

بمعني انك حتحسب
1-static
2-dynamic
3-braking
4-cornering
5-combine
وتشوف مين الكبير فيهم ويبقي هو دا المطلوب
ودا نفس فكرة الشيت بالظبط بس هنا هيا اديتك الأبعاد يعني سهلت عليك الدنيا .. واللي لية رأي تاني يقول

كلامك ليس به شئ من الصحه يا اخ رفعت للاسف وده لسسببين
1- ان السؤال calculate يعني احسب الموجود بالفعل مش design
2- ان هنا حددلك الحاله اللي هتشتغل عليها بالضبط وهيا moving on lvl roadيعني حاله dynamic load
اما للاخ اللي بيسال فانت هتجيب v1 بتاعت حاله ال static وتضربها في dynamic factor مناسب وليكن 1.7
وتبقي هي دي v2 تضربها في طول المسافه من الليف سبرينج الي سنتر العجله L1وكده تبقي جبت المومنت Mوتحسب ال stress من القانون sigma= My/Ixx

كلامك هو الصحيح يا تيتو إن شاء الله

أحب تأكيد المعلومات

طبعا ممكن أكون غلطان وكويس اننا بنتناقش علشان نوصل لفكرة صح ..

اقتباس :

كلامك ليس به شئ من الصحه يا اخ رفعت

بس مش أوي كدا ياعم تيتو معلش مأخدناش بلنا من انة طريق عدل وبالبديهي طبعاًُ مش حيكون فية كورنرينج
بس انت كدا ماتكلمتش علي البريكينج اللي ممكن يحصل مع العلم ان السؤال في كلمة مكسيم. ومدام فيه الكلمة دي يبقي لازم تكون مكسيم بالنسبة لحاجة تانية .. فحضرتك معملتش حاجة غير انك جبت الأستريس بالنسبة للداينمك أنما ممكن يحصل بريكينج يكسر الفرونت أكسل لان انت محسبتش الاستريس علية .. يعني من الاخر لازم تحسب الاستريس الناتج كمان من البريكينج علشان تقارنة مع الداينمك وتاخد الاكبر فيهم .. أما بالنسبة للكومبينيج فمن وجهة نظري حنحسبة بردو بس من غير الكورنرينج
طبعاً ..
ومرة تانية براحة شوية علشان الدنيا مش ناقصة لغبطة

الحساب على الدينامك فقط

يظهر انك ناوي تنرفزني يارفعت فعلا ههههههههه اه لو تشوفني دلوقتي شعري منكوش ومغطي نفسي بالورق وحاله زفت هههههههه
المهم
كلمه ماكسيمم هنا يارفعت بيقصد بيها الماكسيموم ستريس علي الاي بيم
لما العربيه ماشيه علي داينمك لوود فقط
وقالك احسب الماكسيموم لان الاي بيم بيبقي عليه اجهادات مختلفه عند كل نقطه عليه يبتدي الاجهاد يزييييييد لحد ما توصل لليف سبرينج وهنا بتبقي القيمه الماكسيموم وبعدين يفضل ثابت بقيمه ماكسيموم لحد ما توصل لليف سبرينج التانيه وبعده يبتدي يقل تاني الي ان يوصل زيرو عند العجله اللي في الناحيه التانيه
هو ده المقصود بكلمه ماكسيموم اي السكشن اللي عنده اكبر اجهاد في الاي بيم وهو الواقع بين طرفي الليف سبرينج وفيه الاجهاد ثابت وماكسيموم في حاله الديناميك المطلوبه
واقصي اجهاد sigma =v2 L1111111111 y \Ixx
ومتزعلش من البق اللي ضايقك اوي ههههههههههههه حبيبي يارفعت والله

اشطي يارجالة علي الحوارات والأسئلة الجامدة دي .. ومش مشكلة نضرب بعض مدام بنتناقش في العلم والحمد لله السؤال جه مباشر ومجاش بصيغة عامة كدا