مطلوب التصويت علي هذا الأقتراح

طبعا احنا نفسنا ان الناس كلها تدخل علي السايت والاهم انهم يدخلوا ويشاركوا ..
انا لما غبت النهاردة حسيت اني نفسي ادخل علي السايت اعرف في اية حصل النهاردة ولو مكنتش غبت مكنش جتلي الفكرة دي
اعتقد الفكرة وضحت بس معرفش حعرضها صح ولا ممكن الفكرة اللي حقولها تتظبط شوية

علي العموم الفكرة هي عمل منتدي اسمة الكلية يوم بيوم ويكون في واحد او اتنين من اللي بيدخلوا السايت وبيحضروا بأستمرار كل يوم

أعتقد ان دي فكرة حتفيد ناس كتير جدا لان زي مانتوا عارفين نص الدفعة تقريبا مش بيجي

ربنا يوفقكم

نساعد بعض اه وموافق
بس ناس تنام وتنفض على طول الخط وناس يطلع عنيها وتحضر ويتاخد مجهودهم على الماشى لا طبعا حرام

حرام طبعا لما واحد يتعب والتاني ينام فالبيت وياخد مجهود اللي بيتعب

بس أحنا حنعمل المنتدي دا نقول فية ان يوم الخميس مثلا اللي فات اخدنا فايبراشن وحلينا شيت تلاتة والمطلوب المرة اللي جاية نحل شيت اربعة
واخدنا تشريعات وعقود ووصلنا لحد الحتة الفلانية وان أمكن نكتب المحاضرة ماشي

لكن كل دي معلومات متضيعش خالص مجهود اللي حضر وفهم وعرف تفصيل المطلوب المرة اللي جاية .. ولو انت قصدك منعملش اي حاجة تساعد الناس اللي عايزة تبلط في الخط يبقي اقفل السايت دا بقي كلو

ومع ذلك فالمنتدي اللي المفروض يتعمل ويكون اسمة الكلية يوم بيوم يتحط فية بس اهم الأحداث اللي حصلت فالكلية النهاردة

اولا ميافعش لقفلو لان السايت ده مش ملكى او بتاعى لوحدى ده بتاع الدفعة كلها

انا معنديش مانع على الاقتراح بعد انت ما شرحت الفكرة
بس محدش غيرى اللى رد حتى الناس اللى انت بتدافع عنهم مردوش حتى وايدو الفكرة او قالو رايهم
هتكون انت حريص عليهم اكتر من نفسهم
وعلى العموم شوفو اللى انتو عاوزين تعملو وانا انفذهولكم على طول

اقتباس :

اولا ميافعش لقفلو لان السايت ده مش ملكى او بتاعى لوحدى ده بتاع الدفعة كلها

انا معنديش مانع على الاقتراح بعد انت ما شرحت الفكرة
بس محدش غيرى اللى رد حتى الناس اللى انت بتدافع عنهم مردوش حتى وايدو الفكرة او قالو رايهم
هتكون انت حريص عليهم اكتر من نفسهم
وعلى العموم شوفو اللى انتو عاوزين تعملو وانا انفذهولكم على طول

اوحش حاجة فعلا ان الواحد يجيلة أحساس انة بيتكلم ويرد علي نفسة علشان محدش بيشارك .. والمفروض الناس تقول رأيها في الموضوع دا . وانا عن نفسي ارجح فكرة عبد الفتاح بس يبقي قسم لوحدة اسمة الكلية يوم بيوم ويتثبت والناس كلها تشارك فية مش واحد بس ونرجع نقول ان اهم حاجة الناس تقول رأيها

أنا أؤيد الفكرة دي جدا, خصوصا إني بنام كتير, بس إن شاء الله نساعد بعضنا وأنا ناوي بإذن الله أشارك... واللي خايف على مجهوده أوي يخليه لنفسه, واللي بيبتغي الأجر من الله مش هيخاف عشان هو عارف "إن الله لا يضيع أجر من أحسن عملا" انت بتعمل الكلام ده للله عز وجل مش للناس