معلش ياعمر مش حينفع أكتب المحاضرة كلها دلوقتي لان كلها رموز ومعادلات وانت عارف ان بكرا امتحان بس ممكن لو محتاج جزء معين قول عليه ونعمله بشئ من التفصيل
علي العموم هي المحاضرة كانت بتشرح فيها حل المسألة الاولانية بشئ من التفصيل وكان النقط الاساسية فيها
1- ان الحمل لو عند(CG ) فهو حيتقسم علي اثنين لان في اثنين سبرينج (واحدة في العجلة الامامية والاخري في العجلة الخلفية ) - لو الحمل في العربية مش عند CG فهو بيتقسم علي حسب نسبة بعده عنه وطبعا لو الحمل اقرب من العجلة الامامية فحيكون ال spring الامامي فية اقصي حمل ..
2- وبعد كدا المفروض انك تجيب t1 والمحصلة t^3 وتعمل ثلاث حاجات لحد ماتصل الي ال leaf اللي عندها NL
وملخص الاحاجات دي كالتالي
اولا : بتعمل اختبار علشان تعرف انت ماشي صح هو انك تجيب اقل عدد حيطلعلك من الleafs وذلك بقسمة المحصلة t^3 علي t1 ولو طلعلك ان دي بتساوي 20 يبقي انت كدا تسيب المسألة وتروح لانك حتشتغل علي 20 leafs ( علي الأقل ) فكدا لازم تعيد حساباتك من الاول وتغير قيمة b اللي انت فرضتها علشان تجيب قيم t
ثانيا : تعمل قانون السيجما all وتحط فيه اقصي حمل اللي هو W max ودا حيطلعلك t NL وهو سـُمك ال NL leaf
ولغاية كدا انت معاك t1 والمحصلة t^3 ومعاك tNL ماشي ؟؟
ثالثا : هي دي الخطوة اللي ممكن ماتفهمهاش من شرحي كدا بس ححاول اوصلهالك .. بأختصار انت المفروض تجمع t1+tNL وتطرحهم من المحصلة t^3 والناتج هو مجموع سـُمك الطبقات اللي المفروض حتكون مابين t1 &tNL وما بعد ال NL كمان لان ماينفعش يكون ال NL أخر طبقة .. لو مفهمتهاش قول ونشرحها بتفصيل شوية !
بعد الكلام دا كلو انت المفروض تكون جبت كام leafs عندك وفين ال NL فيهم ودي كانت اول ساعة وربع في المحاضرة تقريبا والباقي كان عبارة عن انك تجيب ال y اللي مابين كل واحدة والتانية .. ودي اللي اقدر اقولهولك فيها ان انت سهل اوي بالمعطايات والحاجات اللي جبتها انك تجيب sigma working وومنها حتجيب total sigma nipping عند كل leaf (يعني حتجيب sigma n1 مثلا ) وبعد كدا حيبقي سهل عليك تجيب منها تأثير كل leaf (يعني "sigma n1 "1-2 مثلا ) ومنها تجيب( "y"1-2 مثلا بردو) ..وهكذا علي كل leaf لغاية لما تجيب كل y ويبقي انت كدا جبت كل t وفرضت b من الاول خالص ودلوقتي جبتله y وبكدا حضرتك صممت السوستة ...وخلصنا المحاضرة
الرئيسية 
اليومية